Hoxe venres, tivemos unha cita na biblioteca co noso club de lectura, ao redor do libro de Agustín Fernández Paz, "Lúa do Senegal".
A verdade, non foi un dos mais numerosos, quizais polo estupendo día que invitaba a ir ao patio, pero si foi un dos relatos mais bonitos .
A narración é exquisita e atrápate, facéndote gozar en cada frase. Ademais, vén acompañado dunhas marabillosas ilustracións.
Creemos que é un libro marabilloso para aprender a ser máis tolerantes e solidarios con nenos e nenas que sexan distintos a nós. Temos que ser conscientes do que outras persoas sufren.
O mellor: A dozura da protagonista.
O peor: Ao principio parece algo lento, pero deseguida cativa.
Gustaríanos rematar cunha frase da nena :
"Talvez, o único país que importe de verdade é o que acabamos construíndo coas persoas que queremos".
